طريقة عمل المسحوق الاتوماتيك فى البيت

كيفية عمل المسحوق الاتوماتيك فى البيت

تانى حاجه من مساحيق النضافه علشان الناس اللي بتقول كلام وخلاص😔😔😔 انا لما بنزل منشور ارشاد والله علشان الكل يستفيد😔 وتحياتى للاخت المشكوره اللى قالت كده

مع علينا اتفضلو الطريقه مسحوق الاوتماتيك

طريقة عمل المسحوق الاتوماتيك فى البيت سهلة جداااااوبينضف وبينور زى الاريال بطرقتين وازاى توفرى فى المسحوق

الطريقه الاولى ............

هتحتاجى كيلو بوراكس بودره من اى عطار كبير او محلات بيع المنظفات او منافذ شركات الكيماويات و موجوده كتير فى الاميريه

كمان معاه صابوتين ريحتهم حلوه و تبشريهم

كمان كيلو بيكربونات صوديوم وتفرديها فى صنيه وتدخليها الفرن تلت ساعه علشان تتحول لصودا الغسيل ...........

المقادير دى هتعمل حوالى ٣ كيلو مسحوق

ده شغال وبينضف كويس جدا للابيض والالوان

لو عايزاه للابيض بس نظافته ميه ميه هتزودى نص كيلو ملح ليمون وربع كيلو نشادر بيخلى الابيض منور

الطريقه التانيه وانا بعتبرها الاسهل انك تستبدلى البوراكس بكيلو مسحوق من ارخص نوع زى سافو او بونكس تقريبا الكيلو بعشره جنيه

وهتزودى نفس الاضافات هيديكى ٣ كيلو مسحوق بسعر بسيط جدااا وبينضف احسن من اريال وبرسيل ...........

ملحوظه بيستخدم للغسالات الاوتوماتيك والعاديه كمان

ملحوظه كمان البوراكس هو اساس اى مسحوق سواء اتوماتيك او عادى.

الللي مش هيلاقي اسم اى ماده يروح شارع الجيش فالعتبه وكله هناك .سمعونى الصلاه ع النبي.

عندك مسحوق وعايزة توفرى فيه

1-هاتى اى نوع مسحوق رخيص مش هيفرق

فى انواع كتير حلوة ورخيصة نوع اسمه فل وفى نوع جميل جدا البنات بيشكروا واوكسى وعندك بونكس حلو ولانج وتايد برضه

المهم بقى اى نوع يعجبك

الاضافات بقى اللى هتخلى اى مسحوق رخيص فى نضافته ولا اريال فى زمانه




4كيلو او 5 زى ليدر كيلو ملح ليمون نص كيلو كربوناتو

واخلطيهم مع بعض هيبقى عندك كدا 6كيلو ونص

وبكام بقى ب 63 جنيه يعنى نص تمن الاريال

وفى حاجة كمان عند بتوع المنظفات اسمها فانيش حبيبات ملونة كدا باجيب ازازة ب4جنيه للبقع الصعبة لان الكيلو غالى


2- تانى طريقة اللى مقلقة من الوصفة يابنات او مش عاوزة تغير مسحوقها يبقى هتستخدم المسحوق بتاعها ايا كان وتضيف له نوع رخيص النص بالنص يعنى لو 3كيلو يبقى 3كيلو زيهم مش هيفرق معاكى وهينضف برضه


وطبعا الداونى سايب او استخدمى معطر مائى انا بحب الخوخ والفل والياسمين

ومتخافيش من الخلطة خالص لان ملح الليمون بيحافظ على الحلة لانها استانلس

ومتنسيش كل شهر دورة الخل علشان تنضفى الغسالة من جوه والرواسب اللى فيها والاوساخ املى الكوباية خل وحطيها فى درج المسحوق وشغليها دورة كاملة بدون غسيل ولا مسحوق

بمناسبة ملح الليمون والبنات اللي خايفة منه متقلقوش خالص والله بقالي سنين باستعمله لا الهدوم جرالها حاجة ولا الغسالة بقالها 8سنين عندى وزى الفل اقسم بالله لو شفتوها جديدة لانج

وبعدين يعني اذا كنا بناكله انا بحطه علي ورق العنب وبيستخدم كمادة حافظة للمربات ومبيحصلناش حاجة هيحصل للمعدن

الوصفة دى للابيض ملهاش حل بس تعملى ايه بقى انقعى الابيض فى المسحوق واعصرى ليمونتين عليه وبعدين اغسليه مثلا اخرالنهار هيبقى فل

اناعندى ولادى اشقياء وطول النهار لعب بالكورة فهدومهم بتبقى زى الزفت والله بتطلع من الغسالة فلة وعلى اقل برنامج كمان 😍😍😍

دعوه حلوه بقي

تعديل المقال